ភ្នំពេញ៖ ប្រធានឧត្តមក្រុមប្រឹក្សាព្រះមហាក្សត្រ សម្ដេចតេជោ ហ៊ុន សែន បានចំអកទៅលោក អេង ឆៃអ៊ាង ក្នុងន័យថាលោក ឆៃអ៊ាង ជាមនុស្សកំសាកតែរុញអ្នកដទៃឲ្យក្លាហាន។

ការលើកឡើងនេះគឺឆ្លើយតបទៅនឹងសាររបស់លោក អេង ឆៃអ៊ាង ដែលអំពាវនាវឲ្យបក្សប្រឆាំងនៅកម្ពុជាក្លាហានហ៊ានភ្ជាប់ខ្លួនជាមួយទណ្ឌិត សម រង្ស៊ី ដើម្បីបង្ហាញពីភាពក្លាហានរបស់ខ្លួនប្រឆាំងនឹងការព្រមានរបស់ក្រសួងមហាផ្ទៃ។

សម្ដេចតេជោបានសរសេរលើហ្វេសបុកផេករបស់សម្ដេចនៅព្រឹកថ្ងៃសៅរ៍ ទី១៣ ខែមករា ឆ្នាំ២០២៤ នេះថា៖ «តបលេងបន្តិចចុះដើម្បីកុំឱ្យមនុស្សភ្លេចខ្លួននិងជាន់កែងខ្លួនឯង។ ម្នាក់នេះខំស្រែកពីអាមេរិកប្រាប់បក្សប្រឆាំងក្នុងស្រុកថាកុំខ្លាចការគំរាមរបស់ក្រសួងមហាផ្ទៃ។ ចុះបើក្លាហានបែបហ្នឹងម៉េចរត់ចោលស្រុកកាលពីឆ្នាំ២០១៧ នៅពេលដែលខ្លួនអត់មានរឿងត្រូវជាប់ខ្នោះសោះ។ ខំរត់រកងាប់អីកាលពេលនោះនិងមកក្លាហានអីនៅពេលនេះ?»។

គួរឲ្យដឹងថា លោក អេង ឆៃអ៊ាង គឺជាអតីតមន្ត្រីជាន់ខ្ពស់នៃអតីតគណបក្សសង្គ្រោះជាតិដែលត្រូវបានរំលាយ និងបានភៀសខ្លួនទៅនៅបរទេសចាប់តាំងពីឆ្នាំ២០១៧មក៕